Të shtëna me armë zjarri në Sukth. Nga të dhënat e para raportohet se është qëlluar me armë zjarri ndaj shtetasit Arben Mërkuri, rreth 48 vjeç, i cili ka humbur jetën.
Ngjarja ka ndodhur në qendër të Sukthit, ndërsa policia ka ngritur postoblloqe për kapjen e autorit të ngjarjes.
Nga raportimet mësohet se viktima është person me precedentë penalë në fushën e narkotikëve.
Nga të dhënat e para mësohet se viktima është transportuar drejt spitalit rajonal të qytetit të Durrësit, por për shkak të plagëve të marra ka humbur jetën.
Viktima kishte marrë dy plumba në organet jetësore.
