Vllaznia luan të shtunë me Egnatian në “Loro Boriçi”. Sfida e orës 17:00 vlen për javën e 35 të Superligës, me disa nga lojtarët vendas që mund ta kenë ndeshjen e fundit përpara tifozerisë së tyre.
Fundi i sezonit pritet të sjellë edhe largime te shkodranët, që objektiv kanë fitimin e finales së Kupës kundër Laçit. Me ardhjen e Josës në stol priten edhe ndryshime në emra, teksa 6 lojtarë janë me “valixhe në duar”.
Ardit Krymi pritet të bashkohet me Shakhtar Soligorsk në Bjellorusi, ndërsa Heric dhe Mustedanagic nuk kanë dhënë atë çka pritej.
Kontrata përfundon për Bojan Zogovic dhe sulmuesit Da Silva dhe Aralica, që ende nuk kanë vendosur të ardhmen.
