Deputeti i PD, Arbi Agalliu, i ftuar mbrëmjen e sotme në emisionin ‘Debat’ në A2, tha se deri më tani, mazhoranca dhe opozita nuk kanë gjetur gjuhën e përbashkët duke mos propozuar asnjë emër.
Sipas Agalliut, mazhoranca nuk e ka legjimitetin për ta zgjedhur e vetme, ndaj ata kanë kërkuar që përveç kritereve kushtetuese të ketë edhe disa kritere të tjera.
“Ne kemi kërkuar që përveç kritereve kushtetuese të ketë edhe disa kritere të tjerë.
Patjetër që kemi disa emra, por para se ti propozojmë për të mos patur lojën e rrëshqitjes, duhet të çimentojmë disa kritere.
Të biem dakort në këto kritere dhe më pas në mënyrë të shpejtë të sjellim emrat. Por nëse kryeministri e ka ndarë mendjen të shkojë në raund të katër dhe të pestë opozita nuk ka çfarë ti bëjë. Ne po kërkojmë një process transparent”, theksoi Agalliu.
