I pyetur mbi përkimin e datës së sotme me 5-vjetorin e marrëveshejs Rama-Basha, Enkelejd Alibeaj tha se për këtë arsye kishte kërkuar shtyrjen e mbledhjes për ditën e nesërme në orën 10:00.
Ndërsa më tej, deputeti i PD theksoi se nuk duhet të kishte përshpejtime dhe se rendja pas emrave e bënte procesin për zgjedhjen e presidenti jo-serioz.
Pyetje: 5 vite nga marrëveshja Rama-Basha. Keni komunikuar me Bashën sesi të përballeni me PS-në?
Alibeaj: Prandaj e shtyva takimin për të nesërmen. Unë kam detyrimin të përcjell zërin e kolegëve deputetë të cilët janë dakord me atë dokument ku kemi përcaktuar rregullat për kriteret që duhet të ketë emri i propozuar.
Ne kemi durimin që ti diskutojmë të gjithë gjërat hap pas hapi. E kuptoj dëshirën e Ballës për të ecur shpejt e shpejt. Ne kemi bërë propozimin tonë, rregullat të parat, më pas emrat dhe kemi thënë ta kemi propozimin ne.
Rendja pas emrave pa vendosur ca rregulla, e bën procesin jo-serioz. E mira është të shohim nesër qëndrimin e palës tjetër. Ju pres nesër në orën 10:00 në të njëjtin vend.
