Kristi Kote, mesfushori i Partizanit duket se është harruar nga trajneri Mehmeti. 23 vjeçari ka zhvilluar vetëm 10 takime këtë sezon, për një shumë totale prej 185 minutash dhe këto në kohën kur në stol ishte Ilir Daja.
Korçari i mesit të fushës nuk ka dhënë kontribut për ekipin, teksa stafi nuk i ka besuar aftësive të tij. Për këtë shkak, Kote duket se nuk do rinovojë kontratën që skadon në fundin e këtij sezoni.
Prej katër vitesh te të kuqtë, lojtari ka dalë nga moshat e Skënderbeut, duke provuar një aventurë edhe në Kosovë me Lirinë. Duket se largimi nga Demat është pranë, me ekipet e Superligës që do kishin një tjetër lojtar të talentuar të lirë në merkato.
