Zymer Bytyqi ndodhet në formë të shkëlqyer. Sulmuesi i majtë i Konyasporit, ekip ku luajnë edhe Sokol Cikalleshi e Endri Çekiçi (të dy titullarë) ka zhbllokuar sfidën shtëpiake ndaj Hatayasporit.
Ishte minuta e gjashtë kur 25-vjeçari mori një asist nga krahu i djathtë dhe dërgoi topin lehtësisht në rrjetë. Hatayaspori reagoi dhe barazoi dhjetë minuta më pas.
Goli i tetë sezonal në elitën e futbollit turk për Bytyqin (7 asiste). Vetëm Sokol Cikalleshi (10) ka shënuar më shumë gola se Bytyqi te Konyaspori.
