Vllaznia njoftoi mbrëmjen e sotme shkarkimin e trajnerit Elvis Plorit nga drejtimi i klubit. Humbja e fundit ndaj Tiranës vendosi në dyshime të mëdha fatin e skuadrës në kampionat sa i përket kualifikimit në Europë e kësisoj, klubi ka vendosur të bëjë një ndryshim në pankinë.
Ndërkohë klubi shkodran, nuk ka humbur kohë dhe ka njoftuar pasuesin e tij ku drejtimin e klubit do ta marrë Mirel Josa.
“Klubi i Futbollit Vllaznia ka vendosur t’i ofrojë te gjithe besimin dhe mbështetjen e duhur trajnerit të njohur dhe me eksperiencë Mirel Josa në drejtimin e pankinës kuqeblu. I urojmë fat dhe suksese në permbushjen e objektivave sezonale dhe në vazhdimësi në drejtimin e Vllaznisë. Mirë se erdhe MJESHTËR!” – shkruhet në njoftimin zyrtar të klubit të Vllaznisë.
