Ardit Krymi do jetë pjesë e Vllaznisë edhe për një muaj e gjysmë. Mesfushori 26 vjeçar në fundin e qershorit mbetet pa kontratë me ekipin e vendlindjes, aty ku ka kaluar tetë vite si profesionist dhe disa të tjera në moshat e kuqebluve.
Duket se për yllin e mesit të fushës ka ardhur koha e një aventure jashtë Shqipërisë, teksa është Shakhtar Soligorsk në Bjellorusi destinacioni i tij i radhës.
Pas 235 ndeshjeve me fanellën kuqeblu, Krymi ka vendosur të lërë Shkodrën mes lotësh për një aventurë jashtë vendit. Gjashtë gola dhe gjashtë asistime ka arritur të koleksionojë Krymi te Vllaznia, duke marrë edhe pesë kartona të kuq dhe 66 të verdhë në tetë sezone.
