Rreth orës 20:00 në Lezhë u regjistrua një attentat. Dy persona të cilët po udhëtonin me një automjet tip fuoristradë kanë qenë shënjestër e një atentati që për fat të mirë nuk shkaktoi viktima.
Nga të dhënat e para mësohet se nga një automjet në lëvizje është qëlluar në drejtim të një automjeti tjetër, ku ndodheshin dy shënjestrat me mbiemër Preçi.
Mësohet se Blerim Preçi dhe Klisman Preçi kanë qenë në makinën fuoristradë mbi të cilën u qëllua me breshëri automatiku.
Makina pas të shtënave ka dalë nga rruga. Në vendin e ngjarjes arriti policia e cila ka dhënë vetëm detajet e para zyrtare, por nuk kemi ende një tabllo të plotë të saj.
Po kështu mësohet se Blerim Preçi i cili ndodhej në makinën mbi të cilën u qëllua ka jetuar për disa vite jashtë vendit, në një prej shteteve evropiane.
Nuk dihet ende shkaku i këtij atentati, por dyshimet e para lidhen me qëndrimin e tij jashtë dhe dyshimet s emund të ketë qenë I përfshirë në veprimtari të paligjshme.
Lezhë / Informacion paraprak
Rreth orës 20:05, në Ishull Lezhë, është qëlluar me armë zjarri në drejtim të një mjeti në lëvizje, brenda së cilit udhëtonin shtetasit B.P.dhe K.P.
Për pasojë nuk ka persona të lënduar.
Grupi hetimor në vendngjarje po administron çdo provë e të dhënë, për identifikimin e autorëve dhe zbardhjen e plotë të rrethanave të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorëve.
