Dy të rinj, njëri 30 dhe tjetri 35 u arrestuan pasi tentuan ti vidhnin me forcë varësen një shtetaseje në rrugën “Teodor Keko” në Tiranë.
Ngjarja u regjistrua rreth orës 13:30 minuta.
Të arrestuarit janë:
Armando Kurteshi, 30 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë;
Ervis Kurteshi, 35 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë dhe “Largimi i të burgosurit nga vendi i qëndrimit”.
“Këta shtetas, ditën e sotme, në Unazë të Re, në rrugën “Teodor Keko”, kanë tentuar t’i vjedhin me dhunë varësen, shtetases M. S. dhe më pas janë larguar”, njoftoi policia.
Pas verifikimeve ka rezultuar se 35 vjeçari kishte qenë në masën e sigurisë “Arrest në shtëpi” dhe e ka shkelur duke dalë jashtë banesës, shtuan të njëjtat burime.
