Mes debateve të shumta për Butrintin, vjen një reagim nga Auron Tare, themeluesi i këtij Parku Kombëtar. Përmes një mesazhi në rrjetin social ‘FB’, Tare ka publikuar një nen të Konventës së Parisit të vitit 1972 UNESCO.
Sipas Tares, kjo Konventë thekson se Fondacionet nuk mund te jene administratore, por nxitëse të donacioneve për qendrat e Trashëgimisë Kulturore.
“FAKT
Në Ndihmë të Ministrisë së Kulturës dhe Komisionit të Mediave për çështjen BUTRINTI, me poshte mund te lexoni nenin 17 te Konventes se Parisit te 1972 UNESCO. Qartesisht kjo Konvente thote se Fondacionet nuk mund te jene administratore por nxitese te donacioneve per qendrat e Trashegimise Kulturore. PIKE”, shkruan ai në një postim në rrjetet sociale, ku poston edhe nenin në fjalë.
Qeveria po planifikon që menaxhimi i Parkut Kombëtar të Butrintit të bëhet përmes një marrëveshjeje me Fondin Shqiptaro-Amerikan i Zhvillimit. Por për opozitën dhe zëra të spikatur të fushës, projekti është një formë koncesionare dhe do të sjellë dëmtimin e parkut për përfitime personale të individëve të caktuar.
