Me votat e socialistëve, Kuvendi i Shqipërisë, rrëzoi rezolutën për dënimin e gjenocidit serb në Srebrenicë, ku u masakruan mbi 8 mijë persona, burra, gra e fëmijë, nga forcat paramilitare dhe militare të Serbisë.
Vendimi i Kuvendit u justifikua nga Edi Rama dhe Taulant Balla me atë se kërkesa e paraqitur për miratimin e rezolutës, mbante firmën e Sali Berishës, i shpallur “non grata” nga SHBA.
Por i njëjti person, pikërisht Kryeministri Edi Rama, i cili kishte merak se mos vota pro do të certifikonte një kërkesë që mbante firmën e një “non grate” u shfaq në një foto në krah Dodik, edhe ky i shpallur “non grata” dhe Presidentit serb, Aleksandar Vuçiç.
Rrëzimi i rezolutës shkaktoi shumë reagime, ndërsa faqja e njohur Novi Pazar në një postim në rrjet shkruan ‘Shqipëria në krahun e vrasësve’.
Novi Pazar fton të gjithë boshnjakët të bojkotojnë prodhimet nga Shqipëria, bregdetin shqiptar, udhëtimet dhe mediat.
Sipas tyre me moskalimin e rezolutës për genocidin në Srebrenicë sot në parlamentin shqiptar, Shqipëria ngelet vendi i vetëm në Ballkan që zgjodhi të jetë në krahun e vrasësve.
“Shkoni në Malin e Zi ku janë njerëz të drejtë dhe vëllezërit tanë. Turp të të vijë Edi Rama.”-shkruan faqja Novi Pazar.
