Ish-Kryeministri Sali Berisha iu përgjigj përmes një deklarate Kryeministrit Edi Rama, i cili e justifikoi rrëzimin e rezolutës që dënonte gjenocidin serb në Srebrenicë me faktin se ajo ishte firmosur nga një “non grata”.
Por Berisha në reagimin e tij shprehet se socialistët kanë votuar me ndërgjegje për të nxirë rezolutën, edhe pse ajo ishte paraqitur brenda rregullave dhe procedurave parlamentare.
“Edi Rama dhe grupi i tij parlamentar kanë patur të gjithe kohën e mjaftueshme që parashikon regullorja e Parlamentit për shqyrtimin e kësaj rezolute, por kanë vendosur në një akt çnjerëzor dhe antikombëtar që të votojnë kundër saj me urdhër të Aleksander Vuçiç. Kjo rezolutë është miratuar në Parlamentin Europian, Kongresin e SHBA”, shkruan Berisha.
Reagimi nga Berisha
Lidhur me deklaraten e Edi Rames per refuzimin nga ana e tij dhe pseudomazhorances se tij te rezolutes per denimin e genocidit serb ne Bosnje, sqaroj sa vijon:
Pretendimi i Edi Rames se paraqitja e rezolutes ishte e papritur eshte nje genjeshter e denje vetem per ate.
Rezoluta per denimin e genocidit ne Bosnje eshte depozituar sipas te gjitha afateve kohore qe percakton rregullorja e Parlamentit, eshte shqyrtuar ne kryesine e parlamentit dhe eshte vendosur ti paraqitej sot seances plenare.
Perfaqesuesit e PS, shumice ne kryesine e Parlamentit kane refuzuar ne kryesi dhe kane votuar me ndergjegje te nxire kunder rezolutes.
Keshtu Edi Rama dhe grupi i tij parlamentar kane patur te gjithe kohen e mjaftueshme qe parashikon regullorja e parlamentit per shqyrtimin e kesaj rezolute, por kane vendosur ne nje akt çnjerezor dhe antikombetar qe te votojne kunder saj me urdher te Aleksander Vuçiç. Kjo rezolute eshte miratuar ne Parlamentin Europian, Kongresin e SHBA.
Shtojme ketu se me pare Edi Rama dhe grupi i tij parlamentar kane votuar me vetedije te plote kunder debatit me mocion per Ballkanin e Hapur dhe rezolutes se grupit parlamentar te PD per denimin e genocidit rus ne Ukraine.
