Presidenti rus Vladimir Putin ka akuzuar Perëndimin për dëmtimin e interesave të veta kombëtare dhe provokimin e një krize globale duke vendosur sanksione ndaj Rusisë për pushtimin e saj në Ukrainë.
Duke vënë në dukje një rritje të madhe të inflacionit, ai tha në një mbledhje të qeverisë për çështjet ekonomike se çmimet e mallrave janë rritur me më shumë se 11% në eurozonë.
Në fjalët e tij, të cilat u transmetuan në kanalin shtetëror të lajmeve Rossiya 24, ai paralajmëroi vazhdimin e obsesionit me sanksionet… e cila sipas tij do të çojë në mënyrë të pashmangshme në pasojat më komplekse, gati të pakthyeshme për Bashkimin Evropian.
Putin tha gjithashtu se elitat e vendeve perëndimore janë fajtore për shkaktimin e efekteve të dëmshme për vendet më të varfra, duke sugjeruar se ata janë të gatshëm të sakrifikojnë pjesën tjetër të botës në mënyrë që të ruajnë dominimin e tyre global.
