Deputetja demokrate Dhurata Çupi, e ftuar në “ABC Live”, duke komentuar situatën në PD, u shpreh se të gjitha palët duhet të respektojnë vendimin që jep gjykata për sa i përket ndryshimeve që bëhen në statutet e PD-së.
“Duhet zbatuar nga çdo palë. Do dal nga politika vetëm si anëtare e PD. Gjithçka që vendos gjykata duhet ta pranojmë të gjithë dhe duhet të dalim nga kjo krizë bashkë”, tha Çupi.
Gjykata e Apelit të Tiranës, pas vendimit të gjyqtares Blerina Muça, e cila legjitimoi një ankesë të depozituar nga Enkelejd Alibeaj, pritet të marrë në shqyrtim ankimimin ndaj vendimit të mëparshëm që njihte Komisionin e Rithemelimit si drejtues të partisë si edhe përjashtimin e nënkryetarëve të PD-së dhe strukturave të tjera drejtuese.
Në ankesën dërguar gjykatës, Alibeaj kërkon prishjen e vendimit të marrë nga gjyqtari ose shqyrtimin me një tjetër trupë gjykuese.
