Ajas Sulejmani, i cili ditën e diel aksidentoi çiftin e bashkëshortëve bashkë me foshnjen e tyre në rrugën e Kavajës, ka deklaruar se nuk ka qenë i droguar në timon.
Ai ka mohuar të ketë qenë me shpejtësi, duke thënë se po lëvizte me 40 km/ h. Madje, ai akuzoi policinë se testi i drogës nuk ishte real ndaj ka kërkuar që ti bëhen analizat e gjakut.
Nuk u largova nga vendi i aksidentit, çova vajzën në spital. Nuk kam qene shpejt. Kam qenë me 40 km/h, s’kam faj, nuk punuan frenat e sistemi të frenimit. Testi i drogës nuk është real, më bëni analiza gjaku, nuk përdor drogë”, tha ai.
Seanca për caktimin e masës së sigurisë ndaj Sulejmanit, e cila duhej të jepej sot nga Gjykata Penale e Tiranës, është shtyrë për ditën e enjte, ku pritet që ai të përballet me akuzat e Prokurorisë.
Ndaj tij janë ngritur akuzat për shkelje të rregullave të qarkullimit me pasojë plagosjen e më shumë se dy personave, drejtim të autromjetit në mënyrë të parregullt nën ndikimin e drogës, largim nga vendi i aksidentit.
Aksidenti i rëndë ndodhi të dielën në Rrugën e Kavajës, ku mjeti GL që drejtonte Sulejmani, përplasi çiftin Arjan Konomi dhe Vilma Konomi, ndërkohë që në karrocë ishte dhe foshja e tyre 3 muajshe.
Pasi u largua nga vendi i ngjarjes, Sulejmani u vu në pranga në një spital privat të kryeqytetit
