Drejtori i Autoritetit të Mbikëqyrjes Financiare Ervin Mete ka raportuar sot në Komisionin e Ekonomisë.
Mete deklaroi se viti 2021 ishte një vit sfidues, por tregjet financiare u rritën. Ai tha se ligji për sigurimet TPL ka dhënë impakt në treg, teksa janë ulur me 9% komisionet për 3-mujorin e parë 2022.
“Në fund të 2021, asetet e tregjeve nën mbikëqyrje 128 mld lekë. U riformatua baza ligjore e rregullatorë. Vlerësime nga KE për ligjet. Ligji për sigurimet TPL ka dhënë impakt në treg. Janë ulur me 9% komisionet për 3-mujorin e parë 2022. Është rritur masa e dëmshpërblimit për disa kategori. Parashikime të veçanta edhe për Fondin e Kompensimit”, tha Mete.
Ai foli dhe një projektligj të ri edhe për fondet private të pensioneve.
“Përafrim me Direktivat Evropiane, stimul për rritjen e tregut. Tregjet e huaja, efekte te fondet e investimeve. Kërkohet kujdes i shtuar dhe kryerja e stres-testeve”, u shpreh ndër të tjera Mete.
Ai tha se në kuadër të dixhitalizimit shërbimet për sigurimin motorik, kryhen përmes e-Albania.
