Merkato e Superligës është në prag dhe kjo jo vetëm për lojtarët. Së fundmi në medie kanë qarkulluar lajme se Drejtori Sportiv i Vllaznisë, Matko Djarmati do kalojë te Partizani.
Në lidhje me këtë lajm, kroati ka reaguar për Shkodra Sport, duke treguar se është i fokusuar te katër finalet e shkodranëve për objektivin Europë.
“Jam i përqëndruar te Vllaznia. Kemi edhe katër ndeshje finale për të siguruar Europën. Për momentin, ky është fokusi im”, tha Matko shkurt në lidhje me thashethemet e merkatos.
