Deputeti i PD, Tritan Shehu dhe kolegë të tij në opozitë, kanë depozituar në Kuvend një kërkesë për mocion me debat, dhe më pas miratimin e një rezolute, “Për njohjen dhe dënimin e genocidit të Srebrenicës, Bosnje Hercegovine”.
Përmes një postimi në rrjetet sociale, deputeti Shehu njofton se shumë shpejt do të paraqitet gjithashtu edhe kërkesa për genocidin serb në Kosovë.
“Megjithëse i vonuar, ky veprim publik i Kuvendit do të kishte një rëndësi të veçante, në këto monente të vështira për Europën, me pasoja destabilizuese në Rajonin tonë, që vënë në rrezik paqen, bashkëjetesen, e rrugën tonë të integrimit.
Të kujtosh krimet e të kaluarës, të denosh ato, të kërkosh falje nga autorët, është një domosdoshmëri për mos përsëritjen e tyre.
11 Korriku kërkohet të shpallet si dita e përkujtimit të atij genocidi”, shkruan Shehu.
