Sabien Lilaj, një korçar që shënon penalltinë për Dinamon në minutën e 102-të, rrëzon Skënderbeun nga Superiorja dhe mban gjallë shpresat e Dinamos për mbijetesë.
Në një intervistë për “Panorama Sport”, Lilaj shprehet se kjo ditë ishte më e keqja e karrierës së tij, si dhe thekson që as fati nuk është me ta, pasi po humbasin shumë raste. Lilaj, goli juaj e rrëzoi përfundimisht nga kategoria edhe nga ana matematikore Skënderbeun.
“Dua të them se kjo ka qenë dita më e keqe e karrierës sime. S’e di se kush i tha trajnerit që të ma jepnin mua këtë penallti për ta gjuajtur. Kur je profesionist, nuk ke çfarë të bësh, vetëm se të kryesh detyrën e ekipit me të cilin luan.
Më vjen keq për të dyja ekipet, më vjen keq dhe për veten që arrita ta provoja edhe këtë pjesë të futbollit, por është një detyrim që nuk mund të bësh më shumë. Duhet të ecësh përpara dhe s‘na mbetet gjë tjetër.”
