Konferenca e Kryetarëve do të mblidhet ditën e martë për të diskutuar mbi fillimin e procedurave dhe përcaktimin e datës së votimit të parë për zgjedhjen e Presidentit të Republikës së Shqipërisë.
Mbledhja do të zhvillohet në orën 12:30. Enkelejd Alibeaj konfirmoi pasditen e së hënës se opozita do të jetë pjesë në Konferencën e Kryetarëve, dhe bashkë me të të pranishëm do të jenë edhe Agron Gjekmarkaj, Fatmir Mediu, Mesila Doda dhe Grida Duma.
Njoftimi i Kuvendit:
Nesër, ditën e martë, datë 10 maj, ora 12.30, do të mblidhet Konferenca e Kryetarëve, si vijim i mbledhjes për fillimin e procedurave dhe përcaktimin e datës së votimit të parë për zgjedhjen e Presidentit të Republikës së Shqipërisë.
Mbledhja do të transmetohet live në faqen web dhe në FB e Kuvendit.
Operatorët mund të ndjekin fillimin e mbledhjes së Konferencës për plane, ndërsa gazetarët mund të ndjekin mbledhjen përgjatë gjithë kohës së zhvillimit të saj.
Duke ju falenderuar për mirëkuptimin, mund të më shkruani për çdo nevojë për mbështetje apo sqarim.
