Lefter Maliqi, ish-deputet në dy legjislatura, ka shprehur mbështetjen për ish-Kryeministrin Sali Berisha. Ky i fundit në 22 maj garon për kreun e PD, ndërsa për muaj me rradhë drejtoi atë që u konsiderua si procesi i rithemelimit të Partisë Demokratike.
Sot Berisha publikoi në rrjet një foto mbi të cilën shkruhej “hap pas hapi”.
Ndërkohë Maliqi duke ripostuar në profilin e tij në rrjetin social të njëjtën foto, e konsideron Berishën lider dhe strateg të palodhur.
Por jo vetëm kaq, ish-deputeti shprehet se Berisha është patriot e atdhetar, trimfues dhe sfidues. Dhe si për të mbyllur vlerësimin ndaj ish-Kryeministrit, Maliqi shprehet se ai është shembull për këdo.
