Elisabeta Imeraj, ish-Kryeprokurore e Tiranës, e shkarkuar nga KPA, ka folur lidhur me pretendimet se ka përgjuar një prej vëzhguesve ndërkombëtarë të procesit të Vetting. Imeraj tha se ka marrë një email nga personi në fjalë, 7 muaj pasi ishte larguar nga Shqipëria.
“Pas këtij e-mail, i jam drejtuar me kërkesa zyrtare të gjitha institucioneve të shtetit shqiptar dhe kam marrë përgjigjet se unë s’jam përfshirë as në procese të përgjimeve, as të përndjekjeve”, tha Imeraj.
Ajo tha se nuk e di pse u ngrit një pretendim i tillë nga ky vëzhgues i ONM pas largimit nga Shqipëria.
“Unë jam një produkt i SHBA, jam trajnuar nga programet e tyre, nuk ka pasur asnjë lloj shqetësimi të shprehur nga partnerët”, tha Imeraj.
