Deputeti demokrat Luçiano Boçi, tha në Syri Tv, se mbledhja e thirrur nga Enkelejd Alibeaj me grupin parlamentar është nul, për një arsye të thjeshtë: ‘Alibeaj s’është kryetar i grupit parlamentar të PD.’
Boçi deklaroi se Alibeaj është shkarkuar nga posti i kreut të grupit në Kuvendin e 30 prillit, ndërsa shtoi se mbledhjet e grupit parlamentar sipas statutit të PD, përcaktohen në agjendë nga Kryesia e Grupit Parlamentar.
Për deklaratat e Alibeajt, Boçi u shpreh se ai nuk ka tagër që të jetë negociator për çështjen e Presidentit ndërsa drafti i tij është i sajuar.
“Grupi parlamentar zbaton vendimet e Këshillit Kombëtar. Kjo e fundit ka dalë me një rezolutë të qartë për modalitetet në mënyrë të qartë për hyrjen në negociata.
Drafti nga ata është i sajuar, vendim i disa deputetëve, nuk qëndron por nuk mund të verifikohet.
Duam një President të vërtetë, me integritet të lartë. Rruga që po ndiqet nga Alibeaj duke manipuluar një pjesë të opinionit të grupit parlamentar, ai nuk ka tagrin.”-tha Boçi.
