Elisabeta Imeraj, ish-Kryeprokurore e Tiranës, në emisionin “Të Paekpozuarit” u shpreh se nga vettingu janë shkarkuar prokurorë dhe gjyqtarë që nuk kanë pasur asnjë pasuri.
Imeraj tha se nuk e dinte pse ishte ngritur gjithë rrëmuja e madhe, me denoncime anonime, kundër meje.
Ish-Kryeprokurorja e Tiranës u pyet nëse kishte lidhje shkarkimi i saj me çështjen Tahiri, ndërsa Imeraj tha se ajo ishte e vetmja nga grupi i 3 prokurorëve që kishte mbetur në sistem deri në datën kur KPA vendosi largimin nga sistemi i drejtësisë.
“Unë isha e vetmja që isha ende në sistem, dy prokurorët e tjerë ishin larguar. Me Kryeministrin Edi Rama nuk më ka rënë rasti të takohem”, tha Imeraj.
Lidhur me hetimin e ish-ministrit të Brendshëm Saimir Tahiri, Imeraj tha se ndoshta për të arritur te ish-ministri duhej të kryhej një hetim për 12 drejtuesit e policisë në qarqe.
