Kryeministri Edi Rama, në vijim të show dhe propagandës, ka premtuar ngritjen e këshillave rinorë lokalë. Por në një deklaratë për mediat, Floida Kërpaçi, kryetare e LRI-së, shprehet se Rama po kujtohet për të rinjtë pasi po afrohen zgjedhjet.
“Politika e fasadave të kryeministrit Rama, është përgjegjësja direkte që gjatë 9 viteve të qeverisjes së tij, janë parë ritme të frikshme largimi masiv të trurit dhe shtresës së mesme jashtë vendit: për të ndërtuar jetën në një vend normal dhe me garancitë për punë dhe dinjitet”, u shpreh Kërpaçi.
Sipas saj, Rama shpreson se do të marrë votat e të rinjve, ndaj dhe u përmend emrat, duke theksuar se kjo është një politikë që kujtohet për njerëzit vetëm kur vijnë zgjedhjet.
“Të kujtohesh sot, pas 9 vitesh në qeverisje, për të ngritur këshillat rinor lokal, a thua sikur këto këshilla do të jenë zgjidhja e kërkesave që kanë të rinjtë shqiptarë sot, është fyerja më e madhe që i bëhet të rinjve në të gjithë vendin, të cilët ndihen të papërfaqësuar nga ky model politik dhe e përçmojnë këtë model qeverisës.
Pyetjes që kryeministri u bëri kryetarëve të bashkive së çfarë do tu thoni të rinjve? Do te doja ti pergjigjesha duke i thënë: Çfarë ke ti kryeministër, për tu thënë mijëra të rinjve që kanë marrë kamiona dhe aviona, e çdo mënyrë largimi të menjëhershëm nga Shqipëria që ti drejton?
Çfare ke ti kryeministër, për tu thënë mijëra të rinjve, që sot janë në Evropë dhe kudo në botë, që nuk duan të kthehen në Shqipërinë Tuaj, sepse vendi është në një situatë shumë të vështirë ekonomike!
Të rinjtë shqiptarë nuk kanë nevojë që ti ngrihen fasada rreth realitetit të paprespektiv që ata jetojnë.
Përkundrazi, të rinjtë shqiptar janë sot shumë herë më të ditur, më të zgjuar dhe më vizionarë se të gjithë pushtetarët tanë në krye; Ata duan më të mirën për veten dhe ndaj ritmet e emigrimit të rinisë shqiptare drejt Bashkimit Europian janë rritur me ritme galopante”, tha ajo.
