Një 27 vjeçar u arrestua nga policia greke me akuzën e vrasjes dhe më pas djegien e një shtetasi grek.
Shqiptari u arrestua nga policia greke në Chanias, ndërsa mediat raportojnë se viktima ishte një endacak.
Viktima ishte 53 vjeç, ndërsa nga hetimet rezulton se ai u vra dhe më pas u dogj në banesën e tij.
Sipas mediave greke, 27-vjeçari shqiptar ka plagosur për vdekje me shufra hekuri 53-vjeçarin gjatë një mosmarrëveshjeje mes tyre dhe më pas, kur ka kuptuar se e ka vrarë grekun ka ndezur një zjarr që ai të digjej brenda.
Hetimet paraprake po kryhen nga Nëndrejtoria e Sigurisë së Chanias dhe 27-vjeçari shqiptar akuzohet për vrasje dhe zjarrvënie ndërsa gjatë kontrollit në banesën e tij janë gjetur edhe disa thika.
