Një vrasje me thikë ka ndodhur këtë të Shtunë në kryeqytet.
Viktimë e ngjarjes së ndodhur pranë shkollës “Harry Fultz” është Ilir Kapo. Autori Olgert Dhimitri është shoqëruar në polici.
Policia njoftoi se rreth orës 11:15, në afërsi të ‘Harry Fultz’, Olgert Dhimitri, 37 vjeç, ka goditur me mjete prerëse Ilir Kapon, 60 vjeç. Ky i fundit, si pasojë e plagëve të marra, ka ndërruar jetë.
Autori i dyshuar është shoqëruar në komisariat për veprime të mëtejshme, ndërsa grupi hetimor po punon për sqarimin e rrethanave të ngjarjes, shtuan të njëjtat burime.
Viktima dhe autori, sipas informacioneve paraprake, ishin duke konsumuar alkool në një lokal para se të ndodhte krimi.
Fillimisht ka nisur një konflikt mes tyre me fjalë në lokal dhe më pas kanë dalë jashtë, ku Dhimitri e ka goditur për vdekje me thikë Kapon.
