Shtatë kilogramë kokainë janë kapur në Itali ku dhe janë arrestuar tre persona në flagrancë mes tyre një 26-vjeçar shqiptar.
Sipas mediave italiane, në pranga ka rënë 26-vjeçari shqiptar dhe dy shtetas italian, një 28-vjeçar nga torino dhe një 67-vjeçar nga Impruneta, pasi ju gjetën rreth 7 kilogram kokainë.
Hetimet kanë nisur pas sinjalizimeve të marra nga fqinjët për lëvizjet e dyshimta në zonë ku pas një kontrolli të befasishëm në automjetin e njërit prej të arrestuarve është gjetur droga e llojit kokainë.
Hetimet e mëvonshme bënë të mundur gjetjen e gati një mijë eurove cash në kartëmonedha të prera të vogla, të cilësuara si të ardhura të aktivitetit të paligjshëm, telefona celularë dhe ora luksoze; të gjitha të vendosura në sekuestro. Tre të arrestuarit ndodhen në burgun Sollicciano.
Procedimi është aktualisht në fazën e hetimit dhe përgjegjësia reale e personave të arrestuar, me vlefshmërinë e akuzave ndaj tyre, do të shqyrtohet në gjykimin e mëpasshëm. Nuk përjashtohen zhvillime të mëtejshme hetimore dhe provuese, qoftë edhe në favor të personave nën hetim.
