Një plagosje e dyfishtë ka ndodhur këtë të Premte në kryeqytet. Një 41-vjeçar, sipas policisë, ka plagosur me thikë dy persona.
Ngjarja ka ndodhur në orët e para të mëngjesit të sotëm, brenda ambienteve të një lokali në rrugën “Teodor Keko”, në zonën e Astirit.
Pas konfliktit, 41-vjeçar i cili plagosi dy personat, është larguar nga vendngjarja.
Policia ka bërë të mundur identifikimin e autorit që është një 41-vjeçar, banues në Vorë, i cili është shpallur në kërkim.
Të plagosur kanë mbetur E.N., 35 vjeç dhe P.B., 48 vjeç, të cilët raportohet se ndodhen jashtë rrezikut për jetën.
