Deputeti i Partisë Demokratike e cilësoi nul mbledhjen e kryesisë së PD nga Enkelejd Alibeaj dje, ndërsa theksoi se nga grupi tjetër i PD nuk po bëhet asnjë përpjekje për bashkim lidhur me çështjen e presidentit.
Salianji tha në një prononcim për gazetarët se ka një nxitim për t’u ulur me Ramën dhe refuzim për të folur me njëri-tjetrin me qëllim bashkimin.
Deputeti i PD tha se përgjegjës për këtë përcarje janë njerëz që dorëhiqen dhe nuk pranojnë të heqin dorë, duke nënkuptuar ish-kryetarin Lulzim Basha.
“Po kërkohet mbledhje me nxitim e grupit parlamentar për të takuar Ramën. Presidenti i republikës është zgjedhur, sot nga mazhoranca u tha qartë se nuk duan emër presidenti konsensual por keqpërdorim i opozitës. ky është kurth për të keqpërdorur deputetët e PD. Qëndrimi i dhënë nga Alibeaj është personal, nuk përfaqëson qëndrimin e grupit”, tha Salianji.
