Gjatë punimeve në një banesë private në Vlorë janë gjetur mbetje kockore që dyshohet se janë njerëzore.
Policia bëri me dije këtë të Enjte se është lajmëruar për zbulimin e mbetjeve kockore nga pronarja e banesës ku po kryhen punime.
“Më datë 05.05.2022, në sallën operative të DVP Vlorë, ka telefonuar shtetasja I.J., e cila ka kallëzuar se në një grumbull dheu të marrë para disa ditësh për të kryer punime në afërsi të banesës së saj në lagjen ‘Kushtrim’, ka gjetur mbetje kockore të dyshuara si ato të njeriut”, thuhet në njofton e bluve.
Mbetjet kockore do të dërgohen në Institutin e Mjekësisë Ligjore, për ekzaminime të mëtejshme, shtuan të njëjtat burime, pa saktësuar vendin ku u morr dheu, ku edhe u gjetën mbetjet kockore.
Grupi hetimor po punon për zbardhjen e rrethanave të ngjarjes, mbyllet njoftimi i policisë.
