Është publikuar traileri më i fundit i “House of the Dragon”, i cili është vazhdim i serialit të famshëm “Game Of Thrones”. Seriali vendoset 200 vite përpara ngjarjeve të “Games of Thrones” dhe do të jetë premierë me 21 gusht.
“House of the Dragon” u krijua nga autori i “Game of Thrones” George RR Martin dhe Ryan J. Condal, bazuar në romanin e Martinit “Fire & Blood”. Sipas Variety, ky serial i ka kushtuar HBO-së rreth 20 milionë dollarë për episod për të prodhuar sezonin e parë me 10 episode.
Për krahasim, “Game of Thrones” i kushtoi HBO-së rreth 100 milionë dollarë në sezon. Çmimi i tij për çdo episod filloi me rreth 6 milionë dollarë në sezonin e parë dhe u rrit në 15 milionë dollarë për sezonin e tetë dhe të fundit të serialit.
