Prokuroria e Posaçme pritet që të ketë një komunikim me autoritet italiane përsa i përket dëshmisë të bashkëpunëtorit të drejtësisë në dosjen hetimore “Rinascita-Scott”, 54-vjeçarit Antonio Guastalegname. Ky i fundit ka dëshmuar se një grup shqiptar që trafikonte drogë, kishte mbrojtjen e një ministri shqiptar “të Brendshëm ose të Drejtësisë”.
Burime nga SPAK bëjnë me dije se prokurorët do komunikojë me homologët italianë për të sqaruar situatën dhe për të marrë informacion lidhur me çështjen.
I penduari Antonio Guastalegname është një nga mbi 300 personat e arrestuar nga autoritetet italiane që kanë goditur një rrjet që merrej me trafik ndërkombëtar droge. Mes të arrestuarve ishin edhe drejtues të mafies famëkeqe “Ndrageta” në komunën Vibo Valentia.
Sipas raportimeve të mediave italiane, Guastalegname ka treguar për hetuesit se trafikantët shqiptarë pjesë e rrjetit “kishin mbështetjen e qeverisë shqiptare”.
“Nëse më kujtohet mirë, subjekti i korruptuar ishte ministri i Drejtësisë ose i Brendshëm, megjithatë ishte një figurë e rëndësishme politike shqiptare”, shprehet i penduari.
Lexo edhe:
