Një tjetër autobus jeshil, nga flota e promovuar prej Kryebashkiakut Erion Veliaj, është përfshirë në një incident trafiku në Tiranë.
Ngjarja ka ndodhur në Qytetin Studenti, ku autobusi është “ngulur”, duke krijuar incidentin e 4-rt në vetëm pak ditë, ku autobuset jeshilë, ose përfundojnë në Lanë, ose përplasen me vendstacionet e tyre.
Fatmirësisht deri më tani nga incidente të tilla nuk ka pasur dëmtime të rënda te pasagjerët, por kjo s´do të thotë që institucionet hetimore dhe ligjzabtuese mos të hetojnë rastet.
Gjithashtu pikëpyetje ngrihen edhe për faktin nëse këto autobusë e kryejnë apo jo kontrollin teknik. Statistikisht është tepër e vështire që kaq shumë raste të ndodhin në vetëm pak ditë, duke vënë në pikëpyetje të mëdha sigurinë e qytetarëve të Tiranës që zgjedhin të udhëtojnë me këta autobusë.
