Ish-Kryeministri Sali Berisha u shpreh në emisionin “Open” se edhe sikur mos shpallej “non grata” dhe Lulzim Basha mos të kishte marrë asnjë vendim ndaj tij, sërisht do të ndërrmerte hapa për largimin e ish-kryetarit nga PD.
Berisha tha se Basha nuk mund të qëndronte në krye të PD pas 3 humbjeve. “E denatyroi edhe PD, Edi Rama dilte dhe thoshte Luli çun i mirë, ndërsa ky s´reagonte fare. Do të kisha ndërmarrë çdo hap për largimin e Bashës, por jo në këtë formë sikundër veprova pas 9 shtatorit. Natyrisht do të veproja me grupin parlamentar. Basha ishte një lider i thyer, ia kam thënë edhe kompanisë izraelite”, tha Berisha.
