Enkelejd Alibeaj nuk e njeh vendimin e Kuvendit Kombëtar të 30 prillit, që e shkarkoi nga funksioni i Kryetarit të Grupit Parlamentar të Partisë Demokratike.
Alibeaj, pak minuta para një takimi me deputetët e PD-së, një mbledhje që e ka thirrur vetë në selinë e PD, u shpreh se grupi parlamentar ka shumë çështje që duhet të ndjekë.
“Një fitore e vogël, e mbështetjen e deputetëve tanë, u arrit nga banorët e Rinasit. Çështje të tjera janë nga komiteti i posaçëm është për praktikat korruptive, dhe Presidenti i Republikës janë detyrim për tu diskutuar, dhe unë kam detyrimin ti thërras për ti dëgjuar çfarë mendojnë.
Për çështje të tilla ka një rregullore që përcakton të drejtat dhe detyrimet e secilit prej instancave. Mbledhjet e grupit parlamentar sipas rregullores thirren nga grupi parlamentar, është një detyrim që duhet të ushtrohet nga unë. Për çështje kaq të rëndësishme do duhet të dëgjohet dhe respektohet zëri i secilit deputet”, tha Alibeaj.
Thirrjes së Alibeajt për mbledhje deri në orën 17:10 të pasdites së të enjtes iu përgjigjën 16 deputetë, mes të cilëve edhe Gazment Bardhi, i cili komandoi Enkelejd Alibeajn si Kryetar të PD pas largimit së Lulzim Bashës, edhe pse ishte një vendim që nuk u morr nga forumet e PD, ndërsa nuk u njoh kurrë nga Komisioni i Rithemelimit.
