Një 31-vjeçar raportohet se është vetëvrarë në mjediset e brendshme të Komisariatit të Kavajës. Ngjarja e rëndë ka ndodhur pasditen e së mërkurës.
Nga raportimet e para mësohet se 31-vjeçari është vetëvarur në një prej qelive të komisariatit.
Viktima është identifikuar si Ilvi Meta.
I riu është ndaluar nga policia ditën e sotme në orën 14:00 si i dyshuar për vjedhje. Pritet që policia të zbardhë detaje të tjera mbi ngjarjen tronditëse.
Deri më tani dyshimet janë se i riu mund të jetë vetëvrarë për shkak të gjendjes depresive ku ndodhej.
Trupi i viktimës është dërguar në morg, në qytetin e Durrësit për hetimet dhe ekspertizën e mëtejshme.
