Merkatoja e verës në Itali pritet të jetë shumë e nxehtë. Argjentinasi i Juves, Paulo Dybala është gati të ndryshojë qytet për t’u zhvendosur në Milano.
Numri 10 dhe lojtari më i talentuar i organikës bardhezi nuk e rinovoi kontratën me torinezët duke vendosur të niste një aventurë të re që në këtë rast do të jetë në anën zikaltër të Milanos.
Beppe Marotta ka gati kontratën 4-vjeçare për sulmuesin që do të përfitojë plot 6 mln. Euro neto në sezon. Lajmin e bën të ditur Gazzetta Dello Sport që thekson se Dybala e ka marrë vendimin e tij duke i mbyllur derën çdo oferte tjetër.
