Finalizim me sukses të plotë e ka cilësuar ish-Kryeministri Sali Berisha të procesit që nisi në mesin e shtatorit dhe që u përmbyll me Kuvendin Kombëtar të 30 prillit.
Berisha, në një konferencë për mediat, se vota e lirë ishte premtimi më solemn që iu bë qytetarëve shqiptarëve dhe u përmbush me Kuvendin e 30 prillit.
“Edi Rama dhe Lulzim Basha e përzunë votën e lirë nga Shqipëria, por ne e rikthyem atë, përmes një procesi që kurrë më parë nuk ishte aplikuar në Partinë Demokratike”, tha Berisha.
Ish-Kryeministri u shpreh se në të gjithë procesin ka pasur dominim absolut vota e lirë dhe nuk mund të gjendet një rast i vetëm që të tregojë se nuk ishte i drejtë numërimi i votave apo se kishte një presion nga sipër për të votuar në këtë apo atë mënyrë.
Berisha tha se në këtë proces kanë kaluar në votim qindra e qindra kandidatura, në mënyrë absolute asnjë prej tyre e përzgjedhur, emëruar apo vendosur nga instancat e partisë.
“Çdo kandidat ose ishte një vetëiniciativë ose ishte propozim nga anëtarësia. Pra jo vetëm rikthyem votën e lirë, por zhbëmë kryetarokracinë. Përmes këtj procesi u zgjodhën kandidatët më të mirë, emrat më përfaqësues të anëtarësisë.
Në 8 degë të PD, nga Saranda në Mat fituan 8 zonja të nderuara, që kandiduan me rivalët e tyre. Në rast se kthehemi në fillimet e këtij revolucioni, në mënyrë të përsëritur zotimin tonë se çdo njeri do të ketë të drejtë të verifikojë votën e tij. Tre ditë më parë, midis 430 kandidaturave u votuan 150 prej tyre dhe u zgjodhën anëtarë të Këshillit Kombëtar. Risia ishte e madhe, ishte një hap i madh drejt konstituencave, grave dhe të rinjve. Për herë të parë gratë dhe të rinjtë janë mbi 50 % e Këshillit Kombëtar”, tha Berisha.
