Pasditen e nesërme, pritet që Partia Socialiste të mbledhë Kryesinë.
Në fokus raportohet se do të jetë Asambleja e 7 majit. Ky organ i PS do të mblidhet për zbatimin e vendimeve që u morën në Kongresin e socialistëve të 9 prillit.
Këto vendime kanë të bëjnë si me ndryshimet statutore ashtu dhe me ndërprerjen e mandatit të kryetarëve të degëve të bashkive të PS, ndërprerje që do t’i hapë rrugë zgjedhjeve për kryetarë të rinj.
Sakaq, ditën e nesërme do të mblidhet edhe Konferenca e Kryetarëve në Kuvend për të diskutuar për procesin e zgjedhjes së presidentit të ri.
Ndërkohë, të Shtunën në orën 10:00 është parashikuar të mbahet Asambleja e PS e cila do të miratojë vendimet e Kongresit zhvilluar disa ditë më parë.
