Teatri Bolshoi i Rusisë anuloi papritur dy shfaqje të regjisorëve Timofey Kuliabin dhe Kirrill Serebrennikov.
Teatri nuk dha asnjë arsye për ndërprerjen e këtyre shfaqjeve, por mendohet se një nga arsyet kryesore është se këta regjisorë kanë kritikuar luftën në Ukrainë.
Kuliabin ka përdorur llogarinë e tij në Instagram për të shprehur solidaritetin me Ukrainën, duke bërë thirrje që Mariupol të shpëtohet dhe se “jo të gjithë rusët janë fashistë”.
Serebrennikov i tha France 24 se “është mjaft e qartë se Rusia e ka nisur luftën” dhe se ai e konsideroi situatën zemërthyese.
“Është luftë, është duke vrarë njerëz, është gjëja më e keqe (që) mund të ndodhë ndonjëherë me qytetërimin, me njerëzimin… Është një katastrofë humanitare, lumenjtë po rrjedhin gjak”, tha ai.
