Një tjetër autobus urban është përplasur në Tiranë.
Ngjarja ka ndodhur mesditën e sotme në zonën e Fakultetit të Shkencave në Bulevardin ‘Zogu i Parë’.
Autobusi i linjës së ‘Qyteti Studenti’ – ‘Jordan Misja’ është përplasur në kabinën e stacionit e pasagjerëve në bulevardin ‘Zogu i Parë’.
Ngjarja nuk ka sjellë të plagosur thotë policia, ndërsa raportohet se zona është e rrëshqitshme pas punimeve në bulevard dhe reshjet e shiut.
Pak ditë më parë një autobus i linjës së ‘Unazës’ doli nga rruga e përfundoi në Lanë. Nga ky aksident u plagosën 5 persona dhe paniku ishte i madh.
