Një punëtor shqiptar është goditur me thikë në bark, ndërsa ishte duke punuar në arë. Ngjarja ndodhi mëngjesin e sotëm në Morsano al Tagliamento, komunë në provincën e Pordenones në Itali.
Identiteti i shqiptarit nuk është bërë publik. Ai u dërgua me urgjencë në gjendje të rëndë në spital nga punëdhënësi, i cili i dha ndihmën e parë.
Autori i plagosjes u gjurmua dhe u arrestua nga karabinierët e Pordenones që po bëjnë hetime për ngjarjen e rëndë.
