Pasi konfirmuan filmin e dhjetë të sagës së famshme ‘Fast and Furious’, një lajm aspak i mirë duket në horizont pasi regjisori Justin Lin ka dhënë dorëheqjen nga ky pozicion.
Vin Diesel e kishte quajtur Justin si “arkitekt dhe baba” të sagës së famshme në të gjithë botën dhë pikërisht filmat e tij kishin qenë ato me më shumë fitim duke kapur shifra marramendëse. Madje pikërisht Diesel kishte postuar një video në Instagram bashkë me Lin duke festuar për nisjen e prodhimit të “Fast X”.
Justin Lin bëri një deklaratë duke njoftuar për vendimin e vështirë si dhe për shkëputjen miqësore nga filmi. Gjithsesi ai do vazhdojë të mbetet producent akoma.
