Deputeti i PD, anëtar i Komisionit të Rithemelimit, Flamur Noka, u shpreh në Çim Peka Live, se draftin për Reformën Zgjedhore, Edi Rama dhe Lulzim Basha e kanë diskutuar te darka që patën në Dhërmi të premten, një ditë para Kuvendit Kombëtar të PD.
Noka e quajti vrasës për demokracinë dhe opozitën dokumentin që po qarkullon mes disa deputetëve, mbështetës të Bashës dhe atyre të Edi Ramës, si dhe në disa ambasada.
“Ky draft ka ardhur si informacion që nga momenti kur u mor vesh takimi Rama-Basha. Basha ka shkuar me dy Range Rover, një Vogue dhe një Sport, për t’u kamufluar. U mor vesh që ishin bashkë. Gjatë gjithë darkës është diskutuar ky draft, atë natë në Dhërmi. E gjithë biseda ka qenë rreth këtij drafti.
Lulzim Bashës që në 2017 iu ngarkua mision shkatërrimi i opozitës, likujdimi i opozitës dhe Partisë Demokratike. Të gjitha pikat që fliten për Reformën Zgjdhore kanë vetëm një synim të godasin çdo kënd tjetër përveç Edi Ramës. Të ulin fuqinë elektorale me kalkulime e çdo force tjetër politike përveç Edi Ramës.
Këto lloj klauzolash janë vrasëse për demokracinë dhe opozitën. Është si të vrasës demokracinë”, tha Noka.
