Roland Bejko dhe Myslim Murrizi ishin në studion e “Top Story” ku folën për Kuvendin e 30 prillit dhe vendimet që u morën si dhe vazhdimësinë e vijës politike të PD pas kësaj dite dhe pritshmëritë që do të jenë me zgjedhjen e kryetarit në 22 maj.
Për Murrizin që ishte një rikthim në parti, 30 prilli ishte një ditë ku përmes rezolutës u kërkua një ndjesë për përjashtimet që u bënë pas djegies së mandatëve.
Ndërkohë Bejko ishte më i prerë. Ai tha se ardhja në krye të PD-së e Berishës do të thoshte një ndëshkim nga ndërkombëtarët, të cilët e kanë thënë qartrë se nuk do të bashkëpunojnë me të.
Roland Bejko: Mendoj se 30 prilli ka nisur diçka, por jo gjithçka. Berisha duhet të kishte vepruar për djegien e mandateve në kohën kur duhej dhe jo tani. Koha vërtetoi se në i humbëm të gjitha dhe nuk e bëm që ne të largojmë nga përgjegjësia Berishën. Nuk mjafton që ne të jemi në rregull me ndërgjegjen tonë. Unë kam vepruar kur u përjashtuan Hajdari dhe Murrizi pasi nuk dogjën mandatet dhe ndaj meje u hodhën një lumë akuzash. Unë mbajta një qëndrim kundër përjashtimeve nga partia dhe se nesër mund të ndodh që mund t’u kërkojmë falje atyre.
Ne kemi diskutuar dhe unë nuk kam vajtur në mbledhjen e Këshillit Kombëtar kur u mor vendimi për përjashtimin, por në PD nuk jemi në kontekstet normale të të bërit politikë.
Jemi në kushtet kur Berisha është shpallur non grata nga PD. Jemi në kushte të pafavorshme. Berisha i ka kundër ndërkonbëtarët që kanë thënë se nëse Berisha vendoset në krye të PD, do të ndërpresin bashkëpunimim.
PD e Berishës do jetë e izoluar dhe nuk besoj se SHBA do të thonë pas 22 majit se kanë gabuar dhe do t’i heqin non gratën. Nëse është kështu unë do jem i pari që do t’i bashkohem partisë si ushtarë.
