Gazetari Agim Baçi, i cili ishte para Kuvendit Kombëtar të 30 prillit, edhe anëtar i këshillit Kombëtar të PD, deklaroi mbrëmjen e së hënës në “Log.” në Abc se ai këtë herë refuzoi të ishte pjesë e një lëvizjeje që ka synim mbrojtjen e individit.
Ai tha se kishte patur kontakte para Kuvendit që të ishte pjesë dhe emri i tij të ishte në listën e kandidatëve, por e refuzoi pasi nuk mund të bëhet pjesë e një lëvizjeje që synon të përdoret për mbrojtjen e individit.
Sipas tij jo vetëm për ish-kryeministri Sali Berisha , por për çdo politika, politika nuk mund të përdoret si çadër për interesa personale.
“Po të kisha dashur, kam pas kontakte gjatë javës së shkuar dhe u kam thënë se nuk mund të jem pjesë e një lëvizjeje që ka si synim mbrojtjen e individit. Berisha tha se do të mbrojë vetveten me anë të PD-së. Në politikë dinjiteti nuk mbrohet nënë çadrën e partisë”, tha Baçi.
