Autoritetet turke kanë njoftuar të premtën se tre persona u vranë pas një shpërthimi në një fabrikë në lagjen Tuzla të Stambollit.
Sipas Protot Thema, një zjarr shpërtheu në një fabrikë bojërash në një zonë industriale në Tuzla, që ndodhet në anën aziatike të qytetit.
Shpërthime të shumta u dëgjuan pas zjarrit, ndërsa zjarrfikësit dhe mjekët nxituan në vendngjarje.
Më herët u raportua se nëntë persona mbetën të plagosur, ndërsa kërkimet po vazhdonin për tre persona të tjerë të cilët rezultonin të zhdukur.
Flakët kanë dëmtuar fabrikën, disa biznese rreth saj dhe një pjesë të vogël pyjore aty pranë. Ndërkohë një zjarrfikës u shtrua në spital për lëndimet e marra gjatë përpjekjes për të shuar zjarrin. Autoritetet po vazhdojnë hetimet për të zbuluar shkakun e zjarrit.
