Ish-kapiteni i Partizanit, Ardit Beqiri, mendon se të kuqtë po kalojnë një moment të mirë dhe se tani që kanë fatin në këmbët e tyre, mund të tentojnë të arrijnë Europën që është objektivi real. Duke folur në “Sport News Plus” në “News 24”, ai theksoi se skuadra mund të merrte diçka të mirë edhe ndaj Kukësit, ndonëse luante në transfertë.
“Nëse e kanë në këmbët e veta fatin e sezonit, edhe shumë keq nuk është. Ky është pak a shumë sezoni i Partizanit, nuk pritej më shumë. Nëse e kapin Europën nëpërmjet klasifikimit, meqë dështoi në Kupë, është pozitive. Por kundërshtari është i fortë, fusha e Kukësit me stadiumin e ri pritet të jetë e vështirë.
Por momenti nuk është i keq për Partizanin, sidomos pas kësaj fitoreje me Dinamon dhe mund të marrë diçka në Kukës”, tha Ardit Beqiri.
